2012年7月23日

我的美麗日記- KO凹凸洞 Day1@微針篇


一直以來,我到美容院很少做d普通護理。因為清潔和補濕這一類都只是基本動作, 於我而言,DIY可也。
雖然效果肯定比不上專業的,但論性價比來說,DIY facial省錢節時,更符合本人的經濟原則。^-^

最令我煩惱的是黑斑和凹凸洞, DIY facial的效果太慢。 想要短時間內解決,都係要去美容院搞搞啦。依家醫學美容咁heat,既然要解決,一於去盡D, 就試下醫學美容!

我一向都知道對付凹凸洞,最好的療法係微針。但我對微針有一定的恐懼感,最主要係擔心用具衛生問題(交錯傳染和細菌感染),仲有就係美容師的經驗是否豐富。呢次我咁夠膽,主要原因係知道會由一位經驗十足的美容師(Judy @ Fairy Beauty)主理,而且佢地用的是一次性的電動微針,保證安全,把我之前的疑慮一掃而空!
我諗我實在太想整走D凹凸洞 ;-))

在此又忍唔住要講下微針威力。
微針療法系利用微創的方法去刺激骨膠原增生,但好處是不會破壞皮膚的表皮層。 微針可以做出大量細管道,令活性成分有效地滲入皮膚(只需使用五分鐘,便可造出超200,000個微小孔),若配合優質精華素,可以在短時間內提升肌膚的再生功能,不但有助減退皺紋, 淡化色斑、柔滑嫩膚、 收細毛孔、改善皮膚質感等,最主要係有效撫平暗瘡凹凸洞!!  B-)
所以佢對我的吸引力可相而知係幾咁大~~ :D

好啦,入返正題,講下呢次我做微針的經過和感受吧。由於我想睇返療程效果,以作比較,我主動要求影返D前後效果相。反正佢地都好支持客人照相"留念"(起碼不會死無對症吧)。從另一角度看,佢地對自己的治療似乎充滿信心。

呢張係未做之前,可以睇到鼻頭和面額的凹凸洞
(已經有十幾年歷史架啦 ~ ) :

以下呢張係啱啱做完的,Judy問我想唔想快D見效,若做得勁D,效果會明顯D,但可能會醜樣一兩日。我當時心諗,死就死啦,一於來鋪勁的~ 先死而後生!!

療程正式開始~~ 
  • 首先係面部清潔,由於微針始終係創傷性的治療,所以都盡量唔做peeling和針清呢D刺激性的護理。
  • 跟住落來,係好重要的一個步驟:麻醉!!
題外話:原來麻醉藥都分好多種,真係唔講唔知,好的麻醉藥不旦止痛效果好些,而且不會影響精華的吸收。但那些差的(當然平好多啦),要用好多藥才有麻醉作用,而且大大影響到整個療程的效果。我唔知你敢唔敢挑戰唔用麻藥,至少我冇呢個勇氣啦。
  • 戲肉來啦:正式落針。坦白講,雖然我預左會好痛,都知道幫我做的Judy做微針治療經驗十足,但我都係忍唔住有D緊張。
Judy首先用低檔試左一下,問我感覺如何。呵呵..係冇感覺!!(呢個應該係麻藥的功勞啦)於是Judy慢慢把level調高,再睇我反應。最大的感覺,咪就係好似有人捉痕咁啦。完全出乎我意料之外。Judy在我的重災區落多幾針,咁之後出來效果應該會不錯的。好期待呀~~
大約20分鐘左右,做完微針呢part啦。
  • 精華護理:做完微針後,療程仲未完架。仲有精華保濕護理(其實一邊做微針時,都有不斷添加精華素啦)。由於呢個時候的皮膚吸收力最好,所以一定要俾最好的"補品"佢。我的理解應該係好似坐月補身那種原理吧(請原諒我,由於剛做媽媽,所以只諗到呢個形容啦。hehe~~)  
  • 倒模:最後,仲有個倒模程序。用來讓皮膚消炎降紅的。

療程結束。照照鏡,發覺都真係幾利害,成塊面紅晒... 
由於我"加碼"做多左,所以比一般情況會紅一些。(大家可考慮個人承受能力選擇強度)
當時都有少少擔心,好彩那天是星期六,我可以閉關唔見人。
Judy之後都有好詳細地講解跟住的護理方法:皮膚之後會有少少吉吉地的感覺,一定要做充足的補濕和防曬。咁好得會快D,效果又靚D~ 仲有1星期內唔好去暴曬和游水等等。


於是晚上我前所未有咁奢侈。一支Lagny的透明質酸和一支鈦精華,毫不犹豫地全部用在臉上,仲加上Judy推薦的黏多醣啫哩(含有強效修補成份)厚厚敷滿全塊臉。感覺皮膚好似識飲水咁,連那些少熱熱地的感覺,都被撲滅晒~
 (雖然都用左我百幾蚊,有些少肉赤,但冇理由鷄都捨得買,醬油會慳嘛。 >.< )

(補充:療程後的一兩天,有機會會出紅粒,我會用西草藥液當爽膚水咁,拍拍拍均成面,第二日D紅粒拜拜,感覺非常正!)

第二天早上照照鏡.... yeah~~ 我昨晚的付出冇白費架,你睇,D紅褪晒啦~ 好開心呀!!


我覺得整體面部膚色勻均左,白淨左,D毛孔仲好似細左,特別係鼻尖的附近的。 
莫非係錯覺?? 真係太不可思義啦!!

做完第一次療程,感覺真係很不錯,皮膚明顯白左和面部提昇左,但凹凸洞未有咁快見到效果。但我都幾有信心呢次可以KO毛孔和凹凸洞!  
整個療程大約6~12次。 21日後我會做第二次,到時再同大家分享下進度啦~

PS: 我很喜歡佢地的環境,特別房內的呢個天花板。聽著柔和的音樂,望住呢個天花板,心裡有種說不出的平靜舒暢。
呢個相都係從佢地網上capture落來的,想參觀或了解多D,可以直接到佢地官方網站慢慢欣賞。(佢地呢種開明開放的態度,應該令顧客更加安心。)