我的美麗日記-脫毛篇

近來收到好多姊妹查詢，問邊度脫毛平靚正。
首先，要感謝大家對我的信任！
但係...我試過的美容院真係唔多，特別依家㨂定呢間，都無點再去試其他，真係唔好意思呀，提供唔到太多資料俾大家比較～

咁我都可以講下我的脫毛經驗既。
一個字：爽！
我脫的是under arm 。
以往每到夏天就是煩惱的時間，特別想穿背心或游泳時，前一晚就要"埋頭苦幹"。試過用剃刀，係快，但之後的感覺非常差，所以只是試過一次而已。

最多姊妹關心的是痛唔痛，要幾多次才完成。
其實全個過程都無乜特別，美容師會幫我先剃毛，然後搽左D凍冰冰的gel之後，幾下激光就搞掂了。除了首兩次有少少吉吉地的感覺之外（毛髮越粗會吸光越多，雖然感覺會越強烈，但都會越快被清除），之後再生的毛毛會越來越幼，越來越少，所以之後的都無乜感覺了。

我暫時做了7次，已經去除98%（粗略估計），依家只剩小毛三兩條 :)
但緊記療程期間要定期去做，太耐或太快，效果都無咁好。

PS:
以我的經驗，清除under arm毛毛後，除了美觀外，最大得益係減少體味，而且不會再有毛囊阻塞引起的炎症。

歡迎各位姊妹提供其他試過的美容院脫毛資料俾大家參考參考，萬分感謝！！！