一直以來,我到美容院很少做d普通護理。因為清潔和補濕這一類都只是基本動作, 於我而言,DIY可也。
雖然效果肯定比不上專業的,但論性價比來說,DIY facial省錢節時,更符合本人的經濟原則。^-^
最令我煩惱的是黑斑和凹凸洞, DIY facial的效果太慢。 想要短時間內解決,都係要去美容院搞搞啦。依家醫學美容咁heat,既然要解決,一於去盡D, 就試下醫學美容!
我一向都知道對付凹凸洞,最好的療法係微針。但我對微針有一定的恐懼感,最主要係擔心用具衛生問題(交錯傳染和細菌感染),仲有就係美容師的經驗是否豐富。呢次我咁夠膽,主要原因係知道會由一位經驗十足的美容師(Judy @ Fairy Beauty)主理,而且佢地用的是一次性的電動微針,保證安全,把我之前的疑慮一掃而空!
(我諗我實在太想整走D凹凸洞 ;-))
在此又忍唔住要講下微針威力。
微針療法系利用微創的方法去刺激骨膠原增生,但好處是不會破壞皮膚的表皮層。 微針可以做出大量細管道,令活性成分有效地滲入皮膚(只需使用五分鐘,便可造出超200,000個微小孔),若配合優質精華素,可以在短時間內提升肌膚的再生功能,不但有助減退皺紋, 淡化色斑、柔滑嫩膚、 收細毛孔、改善皮膚質感等,最主要係有效撫平暗瘡凹凸洞!! B-) |
所以佢對我的吸引力可相而知係幾咁大~~ :D
好啦,入返正題,講下呢次我做微針的經過和感受吧。由於我想睇返療程效果,以作比較,我主動要求影返D前後效果相。反正佢地都好支持客人照相"留念"(起碼不會死無對症吧)。從另一角度看,佢地對自己的治療似乎充滿信心。
呢張係未做之前,可以睇到鼻頭和面額的凹凸洞
(已經有十幾年歷史架啦 ~ ) :
以下呢張係啱啱做完的,Judy問我想唔想快D見效,若做得勁D,效果會明顯D,但可能會醜樣一兩日。我當時心諗,死就死啦,一於來鋪勁的~ 先死而後生!!
療程正式開始~~
題外話:原來麻醉藥都分好多種,真係唔講唔知,好的麻醉藥不旦止痛效果好些,而且不會影響精華的吸收。但那些差的(當然平好多啦),要用好多藥才有麻醉作用,而且大大影響到整個療程的效果。我唔知你敢唔敢挑戰唔用麻藥,至少我冇呢個勇氣啦。
大約20分鐘左右,做完微針呢part啦。
療程結束。照照鏡,發覺都真係幾利害,成塊面紅晒...
由於我"加碼"做多左,所以比一般情況會紅一些。(大家可考慮個人承受能力選擇強度)
當時都有少少擔心,好彩那天是星期六,我可以閉關唔見人。
Judy之後都有好詳細地講解跟住的護理方法:皮膚之後會有少少吉吉地的感覺,一定要做充足的補濕和防曬。咁好得會快D,效果又靚D~ 仲有1星期內唔好去暴曬和游水等等。
於是晚上我前所未有咁奢侈。一支Lagny的透明質酸和一支鈦精華,毫不犹豫地全部用在臉上,仲加上Judy推薦的黏多醣啫哩(含有強效修補成份)厚厚敷滿全塊臉。感覺皮膚好似識飲水咁,連那些少熱熱地的感覺,都被撲滅晒~
(雖然都用左我百幾蚊,有些少肉赤,但冇理由鷄都捨得買,醬油會慳嘛。 >.< ) (補充:療程後的一兩天,有機會會出紅粒,我會用西草藥液當爽膚水咁,拍拍拍均成面,第二日D紅粒拜拜,感覺非常正!)
第二天早上照照鏡.... yeah~~ 我昨晚的付出冇白費架,你睇,D紅褪晒啦~ 好開心呀!!
我覺得整體面部膚色勻均左,白淨左,D毛孔仲好似細左,特別係鼻尖的附近的。
莫非係錯覺?? 真係太不可思義啦!!
做完第一次療程,感覺真係很不錯,皮膚明顯白左和面部提昇左,但凹凸洞未有咁快見到效果。但我都幾有信心呢次可以KO毛孔和凹凸洞!
整個療程大約6~12次。 21日後我會做第二次,到時再同大家分享下進度啦~
PS: 我很喜歡佢地的環境,特別房內的呢個天花板。聽著柔和的音樂,望住呢個天花板,心裡有種說不出的平靜舒暢。
呢個相都係從佢地網上capture落來的,想參觀或了解多D,可以直接到佢地官方網站慢慢欣賞。(佢地呢種開明開放的態度,應該令顧客更加安心。)
|
其實你d皮膚都唔差呀.. :)
回覆刪除Karie,
刪除多謝你安慰我~~
雖然唔算好差,但點都講唔上好啦,仲有好大的改善空間.
依家已經比幾年前好左好多了, 但有d頑固問題,靠自己真係搞佢唔掂~~
寫得幾詳盡,版主繼續~~
回覆刪除多謝支持~~
刪除其實我文筆都幾一般啦..能做到的只是盡量寫實少少,詳盡d~~
請多d俾下意見,等我有機會改善呀~
thx~
我都好想做,我d暗瘡同印我好想消滅佢,但我想問做一次要幾錢??
回覆刪除我之前第一次試做價只係$880.
刪除包晒所有野:麻醉藥,精華素,面膜等等, 仲有一次性的電動微針.
佢地用的仲要是Raffin的電動微針(我格過價,其他地方做呢隻微針,都起碼千幾蚊架).
Judy會在客人面前開封針頭,我覺得呢點幾好.我自己比較睇重呢一點, 安全第一.
我做左一次,依家都有2星期了,效果都幾明顯.
有機會再大家交流多d呀~
我今日都做左啦,搵左間係用電動微針,$500,可能d精華無咁勁呱,我做完2個鐘後開始紅到好似關公咁,個美容師叫我d幾日用清水洗面唔好亂搽野,但我想學你搽d精華素落面吸收下,但搽完那得好利害,可能我尋日做過針清啦,不過宜家一搽精華素就那同腫,fu mask又無乜野,好擔心之後效果@@因為我有d位宜家有埋紅點點,好鬼驚弄巧反拙@@
回覆刪除作者已經移除這則留言。
刪除做呢d創傷性的療程,手勢和精華都好重要架.
刪除我做的是Raffin那個box set+幹細胞精華,唔會"那"架
http://www.fairybeauty.com.hk/service/skin-care
晚上我用透明質酸和鈦精華, 感覺都不會有唔舒服的感覺.第二日已經冇晒紅腫了.
但你睇下過多2日感覺如何. 開頭2日有少少吉吉地都好正常的,話晒都叫"創傷"性療程嘛. 但一定要做好補濕和防曬lor.
我星期六會做第二次, 到時再交流下..^^
係啦,咁你個美容師有無俾d咩你事後搽返呀? 唔可以唔搽野架wo..否則皮膚越來越干,你會越來越紅架.而且呢個時期皮膚吸收力最好,應該俾"最好"的野佢盡情吸收.唔好錯過"進補"黃金時間呀.
刪除而且正常的清潔都係要做的,否則外面的灰塵細菌會令傷口感染的.
Judy俾左隻含"黏多糖"的啫喱我用,呢隻係換膚後都用得的,修復傷口能力好強, 而且好溫和和補濕. 我用來當mask咁敷,效果幾好架. 你若有需要可以去佢地那裡購買.
但我搽d降紅抗敏精華都會那,用洗面膏都會,點算好?希望過多2日會無事啦,d暗瘡印浮面出黎係咪正常現象?
刪除會"那"的確是比較麻煩.因為你越唔用就越衰.有冇試過用透明質酸精華?
刪除唔知你係因為敏感,或針口發炎wo..
你有冇問返幫你做的美容師的意見呀?
我做完後,美容師都會跟進返我的情況架.有時只是未搞清楚d反應,所以白擔心一場啦..
我做個間ar
回覆刪除http://hk.f1.page.auctions.yahoo.com/hk/auction/b21670756
呢間睇落都幾平wo..
刪除你做的是幾mm的針呀?
我凹凸洞那個位做左5mm,所以呢個星期個凹凸洞都"彈"起左少少..好期待下次的效果..
你係0.5mm定5mm?我岩岩摸d暗瘡印既位好似硬左少少,好似d結焦硬硬地咁但又唔似結焦,唔知會唔會好返自己甩呢,真係好想過多幾日睇下個情況,好想知有無成效@@
刪除作者已經移除這則留言。
刪除你記住唔好去整d結焦,等佢自己慢慢好wo.
刪除sorry,應該係0.5mm(全面)和1mm(凹凸洞位置).
刪除咁你做的1.25mm應該比我的仲勁,所以有d硬硬地應該係正常的.
我做左1.25mm,到今日都仲好紅,我本身暗瘡印好多,前日仲要係間不知所謂既美容院做針清,按到我塊面爛晒,好慘ar
回覆刪除作者已經移除這則留言。
刪除我今晚影張相俾你睇下我塊面既情況
刪除好呀,你可以send去我email. 到時我問問我的美容師,睇下佢有咩睇法. 話晒佢才是呢方面專業.
刪除好a,唔該晒你ar,因為有太多擔心唔知可以問邊個,麻煩晒
刪除明白你的心情,我之前生bb時,都係為左全過程可以安心d,所以搵左個好d的醫生接生. 有專業人士解答下疑問,係好大幫助架. 希望你都可以快d變靚靚啦~~
刪除我send左相去你email la,睇到唔好嚇親=_=”
刪除唔好咁講.
刪除收到你的email,但睇唔到D相.
已收到相片,雖然情況比我的嚴重,但不致於嚇親咁誇張.
刪除若你唔介意,我就FW俾JUDY睇下,或者佢可以提供D專業的意見俾你參考下.
俾左d相Judy睇,佢覺你面額兩邊用1.25mm做,可能係傷左,但只要護理小心d,不要令它發炎,慢慢會自然好返,不用太擔心.
刪除另外,Judy覺得,若你凹凸洞唔多,只是想去暗瘡印和收毛孔,其實碳激療程會啱你多d,效果一樣很好. 而且碳激冇創傷性,護理更簡單.
市面上都有好多碳激療程,盡量選擇有質素的美容院,確保安全和有效果.
但是,由於睇相都唔係太清楚,又唔知道你原本皮膚的性質係點, 所以都唔可以提供太準確的方法俾你.所以建議做任何療程之前,一定由美容師準確分析你的皮膚情況,才好進行.
刪除作者已經移除這則留言。
回覆刪除Hi,我都有些微針問題想請教下你呀.我的凹凸洞都好勁,比你的仲要深,所以最後都選左做微針.
回覆刪除我上星期都做完,做的過程都好痛(雖然話都用左麻醉),之後都紅腫左好耐.依家有些位置仲好痕,我成日忍唔住要搞佢.想問下係咪都是正常反應呀?
由於我都係試做左一次,未JOIN佢地的COURSE,打電話問佢地又無人答到我,好無奈呀..
我見你第二日已經褪晒紅,好羡慕呀 ~~>.<~~
希望你有時間可以答复我啦..thank you~
Hi Shirley,
刪除唔使客氣,大家當交流下.
想問下介唔介意講你係邊間做呀?
用左麻醉都會好痛,都有幾個可能:隻麻醉唔夠力, 用的份量可能唔足夠,或者係時間未夠,藥力未能發揮. 若你還會再去做,下次你可以同美容師講返個情況.
一般2,3日點都可退紅的,之後就好似平時咁.若補濕夠的話,應該不會痕的.
所以你一定要做返多d補濕護理.有d美容師反而叫人地唔好用產品,我反而覺得唔係太正確.
你可以每天用透明質酸精華,日隔日敷下mask.咁應該可以改善下.
因為手係好多細菌的,盡量不要用手去搞痕痒位置.會容易造成敏感.
但做呢d護理,我都係建議找返有跟進服務的美容院才好做.安心又安全.
上市m字頭o個間,後來我同朋友傾開,佢地話呢間的服務唔係太好,所以我都唔會再去佢地o個度做囉.
刪除我覺得你o個個美容師好似幾好,都想試下,想問下join course大約幾錢呀? 方便的話,send email俾我呀..thank you.
Hi Shirley,
刪除佢地唔同精華的價錢都有少少分別的. 而且佢地要評估你的皮膚,若有任何敏感或皮膚問題,佢地唔建議你做架.
搵唔到你的email,你可以send email俾我嗎?
或者你可以打呢個電話去查詢: 20860079
作者已經移除這則留言。
刪除對唔住各位,有姊妹同我講,曾經試過打以上電話,但唔多對路。
刪除我double check返,原來我留錯左人地電話,應該係2806 0079呀!
Sorry !!!
hi shirley~
回覆刪除你好, 我最近都係兩間唔同的美容院試做左兩次微針...
你介紹果間我都好有興趣...
有幾個問題想問下...
到目前你做過幾多次微針療程?
你的面部情況係點? 效果係唔係好明顯?
thanks~
Hi Jc,
刪除我已經做左4,5次啦,依家改善左好多了。大的洞已經脹左好多,美容師話,依家要好細心才能找到凹凸洞在邊呢,我真係好開心呀~
但近來一直都很忙,所以未有時間update最新情況,過多幾日我再update下大家呀~
或者你send email俾我,我先send最近的相俾你參考下,大家可以互相分享經驗。 :)
email: natural.life.hk@gmail.com
留意你的blog好耐,但一直都心大心細,直到見到佢地的promotion,前日終於的起心肝去試左啦。(我book的是免費那個24K排毒療程,但其實我係想做微針)
回覆刪除環境真係好舒服,Judy好nice!我最估唔到係全過程真係1對1,完全無壓力(我好驚俾人圍住咁sell)。
Judy幫我分析過,我都可以做微針,第一次試下用0.25mm估全面,凹凸洞位就試用左1mm.
今日係第三日, 基本上已經退晒紅了,完全無唔舒服,好開心呀:)
週年優惠好抵呀,我本來想買12次,但Judy叫我先買6次,試左效果係點先再決定加唔加碼,真係好貼心呀。
多謝你的推薦!
(我send左首次做完的相去你email,你睇下我D有冇你咁紅?)
HI gayan,
刪除好開心你有留意我的blog。我鐘意分享一D我覺得好的東西,不過我又好懶寫文章,如果唔係有你地"刺激"下我,我就無乜動力郁~:P
(離晒題添)
你覺得呢間美容院啱你,就去佢地facebook支持下啦,依家可以咁真心為客人的美容院真係唔多,我都好希望佢地會越做越好。
我都有興趣 但唔知做佢地既邊隻療程好 我唔算太多凹凸洞 但係都幾明顯😭😭😭
回覆刪除可唔可以send d 相你 幫我問下😗😗😗
hello,
刪除無問題呀,你可以send相到我email: natural.life.hk@gmail.com
可否电郵給我美容院資料嗎?emmyho123@gmail.com
回覆刪除Thanks